Ver, oir, tocar

Estampa de Arousa

2011-12-29T21:22:00.002+01:00

Estampa de Arousa, a photo by xanesmelle on Flickr.

Ceo, mar e terra. Cada un na proporción que en Arousa ten, nin un chisco máis. Entre medias o humano que aquí o toca todo: as bateas, as casas, os barcos.

A gaivota voa serpenteando columnas imaxinadas.

Earth And Fire

2011-12-29T20:50:00.003+01:00

Earth And Fire, a photo by xanesmelle on Flickr.

Pedra, barro, arxila. Liñas curvas que fan rectas. Caos ordenado con sabiduría para acoller humanos. Casas de onte e de hoxe en Cambados.

Expansión

2011-11-20T00:59:00.001+01:00

MontesSanXurxo - 09, a photo by xanesmelle on Flickr.

As sementes da gramínea está a punto de emprender o seu camiño aéreo outonal para acadar outras -mellores?- terras.
Iranse co vento

Hora de comer

2011-11-06T21:00:00.002+01:00

Untitled, a photo by xanesmelle on Flickr.

Os baixos dos Cabalos teñen peixe, os mascatos sábeno e paran, camiño do sur, para encher os bandullos con algunha robaliza confiada.

LVG: Sobre escuelas, televisores y videojuegos

2011-09-19T00:39:00.001+02:00

Sobre escuelas, televisores y videojuegos

Juan Rodríguez Silvar

Correo iPhone

Unión

2011-09-06T23:37:00.002+02:00

Hai ornamentos con simboloxías ocultas pola súa cotidianidade. Esta aldaba vida de Escocia lembra a unidade bifaz do material.

Illas Sisargas

2011-08-28T23:05:00.003+02:00

sisargas, a photo by xanesmelle on Flickr.

A xeoloxía e os elementos atmosféricos modelan os granitos da Sisarga grande. Unha gaivota patiamarela aproveita un pousadoiro privilexiado.

Faro de Sisargas

2011-08-26T10:31:00.002+02:00

sisargas, a photo by xanesmelle on Flickr.

A vista do estado actual do faro da Sisarga Grande ten un punto de desolador. Vale, está automatizado e seguramente todos os sistemas funcionan correctamente. Tamén é certo que nestes tempos de bolsa fraca non están as cousas para pintar o que -case- non se ve, pero non se pode evitar unha certa mágoa ao contemplar estas paredes desconchadas e sen pintura. A Antonio, Evaristo,... os fareiros e axudantes que pasaron por aquí non lles gustaría velo. E a min tampouco.

Modelado

2011-08-24T01:19:00.002+02:00

sisargas, a photo by xanesmelle on Flickr.

A man do xigante natural levou o material destes granitos deixando as formas curvas tinguidas do amarelo e gris dos liques.

Regalo de cumpreanos

2011-07-30T14:39:00.001+02:00

Untitled, a photo by xanesmelle on Flickr.

Tres abelleiros tiveron a ben pasarse sobre o meu lugar no día do meu (58) cumpleaños. Un bo regalo para os ollos e a data ver a este macho fase clara e femia fase escura dar unhas voltas mentras collía a cámara e tiraba con 500 mm a pulso, deus me perdoe. Polo menos sabemos a filiación da parella (ollo á cola da femia e a un tercero ejemplar que non sae nas fotos, un polo?)

Bosque animado

2011-07-18T01:56:00.002+02:00

Bosque animado, a photo by xanesmelle on Flickr.

Fernández Flórez, Don Wenceslao, recolle no seu "Bosque animado" a fachenda do poste da luz ante ás árbores da fraga de Cecebre, fascinadas pola súa estilosa porte. O paso do tempo, a couza e unha tormenta dou coa beleza artificial no chan da fraga.
Que pasará cos novos veciños do bosque?

Esquinas de luz

2011-07-16T21:38:00.001+02:00

Esquinas de luz, a photo by xanesmelle on Flickr.

Os faros alumean pola noite, mais durante o día atrapan os raios da luz solar para deslumbrar a vista dos vagarosos navegantes, aos que tamén deixa descansar en perfiladas sombras.

Denociña

2011-07-16T21:32:00.001+02:00

Denociña, a photo by xanesmelle on Flickr.

Foto dunha cría de Denociña (Mustela nivalis) atopada en 1980 nunha estrada ourensá que cruzaba a súa nai con ela nos dentes. Sorprendidas polo meu Land Rover, quedou na calzada. Tras fografala nos brazos desta xeeomorfóloga holandesa, deixámola ceibe por onde fuxira a súa nai. Kodachrome (para quen lle diga algo) escaneada nun Minolta Dimage II.

Rara avis

2011-07-07T12:41:00.001+02:00

Merlo azul en lingua galega, Roquero Solitario en castelán son nomes que definen ben a esta ave fermosa e esquiva da que onte atopei unha femia e o seu poliño nos cantís de Punta Chirlateira, en Valdoviño.
Unha pequena gravación en vídeo coa cámara do móbil e o telescopio permitiu recoller o momento.

Amencer en A Degrada, Ancares

2011-06-05T21:51:00.001+02:00

Amencer en A Degrada, Ancares, a photo by xanesmelle on Flickr.

A mañá comeza paseniñamente na montaña, agás para o malvís cantareiro e o camiñante madrugador.

Barras en verde

2011-05-24T00:07:00.001+02:00

BarrasEnVerde, originalmente cargada por xanesmelle.

Luz de mediodía atrapada nunha porta do vello casco de Rivadavia

Fulica atra

2011-05-02T21:16:00.001+02:00

Fulica atra, originalmente cargada por xanesmelle.

Decembro de 1973. Un bando de galiñola negra común nada tranquilamente na lagoa. Ao fondo vense evidencias da construcción da malfadada pista recuperada no Programa Life.

2011-03-20T23:45:00.003+01:00

Arelo: Espiñazo, sobre todo referido aos animais. Que levou ao propietario da gamela a elixir este nome?.

RAM

2011-03-14T23:35:00.000+01:00

Red de observación de aves mariñas. Unha rede de observadores voluntarios que dedican tres horas de cada primeiro sábado de mes para recontar as aves mariñas migradoras que rodean a Península Ibérica. O obxectivo: facerser unha idea dos patróns de migración das fascinantes aves que viven en e de o medio mariño.
Máis información en http://redavesmarinas.blogspot.com/

Aquí un pequeno feixe de fotos do noso lugar de observación o Cabo Prior (Ferrol, A Coruña).

Spiderman On The Rocks

2011-03-07T21:35:00.000+01:00

A mole granítica de Cabo Prior semella un puzzle tridimensional onde as fendas separan xigantescas pezas poliédricas e axudan ao escalador auparse sobre as pedras do coído e das ondas

Soidade

2011-03-03T23:40:00.002+01:00

Courel, originalmente cargada por xanesmelle.

Pasabamos polo lugar, baixo a súa venta, nunha caminata polas terras do Courel. De súpeto, da fiestra aberta para airear a sala, xurdíu a súa figura rexa, ergueita na súa curvatura da vida, e saudounos. Máis, louvou a oportunidade de falar con alguén, de falarnos, de contarnos quen a atendía, que facía, como pasaba o día, como pasaban os días.
Adeus, descoñecida solitaria.

TEAU

2011-02-16T20:43:00.008+01:00

Na foto TEAU, Taller de Encuadernación Artesanal de Urueña.

Tómese unha vila castelá, con casas de adobe rodeadas de murallas. Engadir un par de músicos singulares como Joaquín Díaz e Luís Delgado con sendos museos, sete libreiros libres, un taller de encadernación artesanal, varios restaurantes con viandas da meseta e nomes como Pago de Marfeliz, casas rurais, unha deputación provincial que apoia, axítese durante vinte anos e aí temos Urueña, a vallisoletana Villa del Libro.
Un fantástico lugar a unhas tres horas de Galicia, a visitar especialmente fóra das datas vacacionais, para poder falar cos veciños e pasear de vagar polas rúas circulares.
E de postre, unha ollada ao magnífico museo de instrumentos de Luís Delgado.

Sobrado dos Monxes

2011-02-09T20:42:00.001+01:00

Sobrado dos Monxes, originalmente cargada por xanesmelle.

A lagoa, varios centos de cercetas na auga, unhas pacas de herba no prado segado e unha mañana espléndida de domingo. Que máis se pode pedir?

Día de RAM en Prior

2011-02-06T23:26:00.001+01:00

Que se pode facer un sábado de Febreiro ás 9 da mañá? Pois irse a un cabo a ver como pasan aves mariñas migradoras. Este foi un día grande, seis observadores, seis, nunha mañá soleada de forte mar de fondo e mascatos vagarosos pasando aos nosos pés.

Garzas, 2

2011-01-23T23:07:00.003+01:00

Garzas2, originalmente cargada por xanesmelle.

Sábado, 08:45. Censo de aves acuáticas da Ría de Ferrol. Un frío que pela grazas a un vento Nordés implacable que nin as plumas das garzas superan. De súpeto o Pai Sol inza o esceario de raiolas, enchendo todo de reflexos dourados, captados nun digiscoping improvisado.

Linterna

2011-01-17T00:43:00.001+01:00

Linterna, originalmente cargada por xanesmelle.

O día invirte os papeis e a linterna recibe a luz do pai Sol; a noite voltaralle ao faro o protagonismo rachando as tebras coa súa lun escincilante.

Os Cabalos

2011-01-08T21:11:00.002+01:00

Os Cabalos, originalmente cargada por xanesmelle.

Os Cabalos é o nome destes illotes do Cabo Prior, restos dun acantilado granítico en retroceso ante os golpes da mar. Acollen unhas ducias de aves mariñas por riba das augas, e un tesouro de robalos, maragotas e polbos baixo delas, paseantes dun bosque de sargazos que as ondas axitan.

Winter Survival, Doniños Decembo, 31th

2011-01-02T21:07:00.001+01:00

Winter Survival, Doniños Decembo, 31th, originalmente cargada por xanesmelle.

O día é curto, hai que aproveitar cada minuto para alimentarse.

Winter Survival, Doniños Decembo, 31th

2011-01-02T21:05:00.001+01:00

Winter Survival, Doniños Decembo, 31th, originalmente cargada por xanesmelle.

Como resisteu o inverno con esas alas a cachos?.
Unha raiola de sol descubreu esta Vanessa atalanta no contorno da lagoa de Doniños coas ás moi danadas.
Esta especie é unha das últimas en voar no inverno, pero este exemplar probablemente tería moitos avatares que contar.

Gardar as distancias

2010-12-29T18:06:00.001+01:00

A pesca excesivamente próxima á costa causa danos no sustrato mariño, agota os recursos e ameaza ás aves mariñas. Neste vídeo, grabado por digiscoping cun móbil, apréciase un pesqueiro largando aparello a decenas de metros dos illotes dos Cabalos (Cabo Prior, Covas, Galicia) unha pequena pero interesante colonia de aves mariñas.

Courel-3

2010-11-08T20:32:00.001+01:00

Courel, originalmente cargada por xanesmelle.

Onde a vista vai, beleza ofreces.

Courel de outono
vestido de festa
esperado por nós

Courel-2

2010-11-08T20:28:00.001+01:00

Courel, originalmente cargada por xanesmelle.

Mans dilixentes estibaron a leña para un forno de panadería.
Os labores pódense facer de mil maneiras, a vista agradece cando o resultado do cotián ten beleza.

Courel-1

2010-11-08T20:24:00.002+01:00

Courel, originalmente cargada por xanesmelle.

Bastantes aldeas -pobos na fala courelá- están a ser restauradas, pero moitas casas teñen as portas e ventás pechadas por máns que están lonxe. Ou que quizá non están.
Courel precisa ser visitado para dar vida económica ás casas rurais, á unha terra que está a despoboarse vertixinosa e silentemente.

Piano Porto con lámpara

2010-08-23T22:23:00.001+02:00

Piano Porto con lámpara, originalmente cargada por xanesmelle.

Unha copa de Porto na cimeira dun piano pide música con fondos aromas

Ortigal dende Céltigos

2010-07-12T20:42:00.003+02:00

xanesmelle.

En Ortegal remata o mundo. Un mundo. Dende o cemiterio de Céltigos -nome de resoancias antergas- as cruces das tumbas érguense coma os Aguillóns que meten o cabo no mar.

Doniños, Stormy Weather

2010-07-05T21:14:00.001+02:00

Doniños, Stormy Weather, originalmente cargada por xanesmelle.

Autopista, o mar. Os buques van facendo rutas invisibles por sendas compartidas cos arroases, as gaivotas e as nubes. Estas, hoxe, descargan lonxe a chuvia, quizá sobre outro buque.

A noite de San Xoán

2010-06-23T23:18:00.004+02:00

NoiteSanXoán, originalmente cargada por xanesmelle.

A noite de San Xoán de 2010 en Esmelle. Un sol vagaroso afúndese
no mar apresa, para deixar a noite máxica, a noite máis curta do ano.

Lagarteiro mariñán

2010-06-22T23:39:00.000+02:00

Un lagarteiro (Falco tinnunculus), recén abandonado o niño, mira con curiosidade ao fotógrafo: Aínda non recela moito dos humanos, un adulto non toleraría esta distancia. Baixo del, a rocha cuberta de liques e pradeira litoral recortanse contra o mar dun denso azul

Ao límite · Fisher Sea Man

2010-05-23T22:38:00.003+02:00

Onde está o límite da sensatez? Que nos leva ao borde do abismo? Quizá o reto de superar algo que non fixeramos antes.

Terra, aire, lúa · Earth, Sky, Moon

2010-05-22T01:49:00.001+02:00

Terra, aire, lúa · Earth, Sky, Moon, originalmente cargada por xanesmelle.

Superficie?, baleiro? masa? O ollo (a mente) permite abstraer -enganar- a realidade buscando formas que, están?

Túnel

2010-05-13T00:38:00.000+02:00

Uns inmensos dedos de vapor peneiran as raiolas dun solpor
de platos e timbais
silentes.

Haematopus

2010-05-11T23:40:00.003+02:00

Haematopus2, orixinalmente cargada por xanesmelle.

1984, Os Farallóns, un illote perdido no Cantábrico fronte á costa de San Cibrao. Unha visita con Andrés e Isabel nos descubríu un niño de Gavita (Haematopus ostralegus), con este polo escondido entre as herbas escasas das penas.
Unha anela de aluminio colocada no seu tarso o marcou para que Jorge, 2009, o atopara xa adulto, criando a outros coma el.

As mans de Isabel sosteñen o polo antes de liberalo.

Sudario de auga · Water Shroud

2010-05-06T22:06:00.003+02:00

Sudario de auga, orixinalmente cargada por xanesmelle.

Os humanos levamos a auga dentro, os golfiños dentro e fóra, como envoltura, como sudario de seda acuosa.

Nube vertical

2010-05-04T01:07:00.002+02:00

Nube vertical, orixinalmente cargada por xanesmelle.

Auga visible e invisible. Auga subindo das árbores, baixando en chuvia. Auga deixando ocos de ceo claro. Auga.

HeliCop

2010-04-28T22:25:00.002+02:00

HeliCop, originalmente cargada por xanesmelle.

Un incendio forestal obriga a viaxes incesantes de helicóptero. Centos de litros de queroseno queimados para apagar un lume.

Green Ray

2010-04-21T00:25:00.005+02:00

Hai un intre, entre a luz e as tebras, no que a maxia do día se condensa, dando ilusión de serenidade para pechar o círculo cotián.

Praia a flote

2010-04-11T11:18:00.000+02:00

A foto é o que é, un buque pasando a 2 millas de distancia un día soleado. Pero a calima deixa ver un bando de varios centos de gaivotas usando a cuberta como praia aboiante distraendo, quizá, a navegación dun tripulante aburrido.

Camelia de serán

2010-04-10T20:10:00.002+02:00

Camelia, xanesmelle.

Queda un oco entre as pólas para que unha raiola alumee unha camelia de serán.

Equinocio de Primavera en Asturias

2010-03-24T23:17:00.005+01:00

Un inverno que non se resigna a marchar, unha primavera que pula por saír.

Ao sur de Oviedo, nas terras de Quirós, as neves aínda resisten nos cumes mentres os prados verdean

Buques de pedra, buques de ferro

2010-02-28T21:55:00.001+01:00

Hai buques de pedra e vida asentados en coordenadas fixas, disputando un baleiro ao aire e á auga. Hai buques de ferro, navegantes condenados ao vai e ven de decisións humanas, que saen do cadro da mirada do viaxeiro atento.

Rasa

2010-02-09T23:13:00.004+01:00

De Pena Roiba

Unha vista da rasa de Penarroiba en Covas (Ferrol, Galicia, España). Al fondo a praia de San Xurxo-Esmelle.

Where to go?

2010-01-17T18:30:00.003+01:00

Where to go?, originalmente cargada por xanesmelle.

Arriba, abaixo, Norte, Sur?
Os mascatos e as gaivotas ascendían nunha espiral de aparente indecisión sulcando as capas de auga e nubes.

Neve nos montes

2010-01-17T18:23:00.002+01:00

201001-RAM-4, originalmente cargada por xanesmelle.

09:30 da mañán do nove de xaneiro. Censo de RAM (paso de aves mariñas) dende o Cabo Prior. Todos os montes por riba dos 300 metros aparecen nevados tras a rasa mariña de Punta Frouxeira. Mentres, mascatos e gaivotas ascenden entre as nubes como non sabendo ben a é posible ir un día como hoxe.

Chovendo xeo

2010-01-07T19:56:00.001+01:00

Chovendo xeo, originalmente cargada por xanesmelle.

As gaivotas renunciaron a usar un aire que lles traía o xeo.

Baixo a saraiba

2010-01-07T19:53:00.002+01:00

Cargada por xanesmelle.

Día 7 de xaneiro. Festa en Ferrol, tormenta, frío, neve e un día marabilloso para visitar á lagoa da Frouxeira. E entón caeu esta saraiba implacable que retivo a aves e ornitólogo chantados baixo a saraiba.

Culleretes

2009-12-26T21:35:00.005+01:00

Anas clypeata, orixinalmente cargada por xanesmelle.

Grupo de culleretes, que destacan polo peito branco dos adultos, rematado cunha cabeza verde.

2009-12-08T20:50:00.003+01:00

Matices

Unha pedra en mitade da praia, rodeada de areas espalladas polas augas das ondas. As cores, dende o beis ao negro falan da variedade de minerais da zona

Surfers

2009-11-14T22:59:00.004+01:00

2-Sta_Comba (31 of 38), originalmente cargada por xanesmelle.

Surfeando as ondas. A parella de gaivota sombría aproveita a onda para avanzar cun forte vento sur.

Tormenta

2009-11-14T22:49:00.001+01:00

Non foi o Klaus, pero as prais notaron a súa pegada e as aves mariñas pasaron tocando as herbas do cantil.

2009-11-09T23:52:00.001+01:00

Pasado o verán, avanzado o outono, as tardes de praia espida achegan ao cabaleiro ás augas.

Carráns de batea

2009-10-13T00:16:00.004+02:00

Unha plataforma de madeira. Un ecosistema artificial que as aves aproveitan para desacansar a salvo.

FaroPriorLúa

2009-09-06T21:57:00.002+02:00

FaroPriorLúa (4 of 6), originalmente cargada por xanesmelle.

Indo e vindo, coming and ending, os círculos que están aí.

Unha 'posta de lúa' sobre o faro de Cabo Prior. 5 de setembro 2009

Ring

2009-09-06T21:46:00.001+02:00

Ring (1 of 1), originalmente cargada por xanesmelle.

Unha gaivota fotografiada na Praia de Esmelle (Ferrol)

O falcón do norte

2009-04-07T13:33:00.005+02:00

Xa se deixara ver este Falco peregrinus calidus, pero o sábado pasado protagonizóu dende os penedos de Cabo Prior unha exhibición de caza -fallida, iso si- espectacular, cargando nin máis nin menos que contra unha Pardela cincenta, a primeira vez, e intentando capturar unha Gaivota patiamarela. Moita ousadía ou moita fame amosou nese día de mar calma e grisenta.

Mestura

2009-04-07T12:44:00.001+02:00

Auga, río, ondas, praia, mar.

Unha senda marcada por unha rutina cíclica que lle deixa aos ollos vagarosos a oportunidade de ver o cambio do contínuo e captar o instante do que é invisible á vista.

Mariñeiro en terra

2009-03-29T14:53:00.000+02:00

Como veu parar a botella á duna?

Que mariñeiro, de que buque, en que día a botou pola borda, que corrente a abeirou á praia, que onda a subíu á duna, que luz ma fixo ver?

Ali queda, verde, sen baleirar de todo, nin de líquido nin de preguntas.

30 de marzo de 2009

Preñez na Praia de Esmelle

2009-02-28T20:31:00.003+01:00

Preñez na Praia de Esmelle, originalmente cargada por xanesmelle.

A praia é lugar de paso para moitos seres, incluso portadores de outros seres

2009-02-24T11:02:00.000+01:00

Medio día en Arousa, un grupo de Larus canus repousa nunha batea de mexillón. As cabezas xa amosan o cambio de plumaxe e unha anela verde con cifras brancas, 295, falan de que este exemplar pasou polas mans dun ornitólogo.

Golfiños

2009-02-04T23:42:00.002+01:00

Golfiños, originalmente cargada por xanesmelle.

Un golfiño sulca augas tranquilas ao oeste das Illas Sisargas
··
A dolphin covered by a silky water west to the Sisargas Islands (Galicia, Spain)

Un falcón do norte

2008-12-27T01:05:00.001+01:00

Falco peregrinus calidus, falcón peregrino boreal que dende o norte de Eurasia migra ata a Península Ibérca. A súa presenza en Galicia non é ben coñecida, probablemente porque se confunde coa subespecie local, pese ao seu maior tamaño e o gusto por posarse no chan, en contra da preferencia dos falcóns galegos polos riscos e penedos.

O exemplar da foto douse un prolongado baño no río de Esmelle que desemboca na praia dese nome tras do que levantou o voo cara ao mar espantando a un bando de láridos grandes, outro elemento diferencial, xa que as gaivotas patiamarelas, fuscus e gavións permanecen indiferentes aos peregrinos locais.

O reposo das invernantes

2008-12-02T00:08:00.004+01:00

Bando de gaivotas cabecinegras (Larus melanocephalus) pousadas nunha batea da Ría de Arousa (Galicia)

Inmigrantes

2008-11-24T23:33:00.001+01:00

Inmigrantes, originalmente cargada por xanesmelle.

Dous Calidris alpina descansando na praia de Esmelle
···
A couple of Calidris alpina resting in Esmelle Beach (Ferrol, Galicia, Spain)

2008-11-16T23:01:00.003+01:00

Unha gaivota que semella pomba da paz. En invernada (como nesta foto) case non ten branco que amosar, outra cousa e a testa negra que lle da o nome de Larus melanocephalus, gaivota de cabeza negra.

Un enlace con máis fotos

Entre nubes

2008-06-23T23:25:00.001+02:00

Solpor en San Xoán

2008-06-23T23:18:00.001+02:00

Solsticio de verán, límite, esquina dende a luz á escuridade.
O pai sol quíxose ir entre nubes, sen tocar as augas como decote,

Casa de Vilar

2008-02-19T21:01:00.002+01:00

Unha casa en Vilar, Courel. A pedra arricada ao monte viste ás xentes da casa da intemperie, apoiandose na madeira de castiñeiro do souto viciño

2008-01-21T09:02:00.001+01:00

Inverno, os restos dos cardos gardan a vida na súa morte aparente, rodeados do verdor das plantas tempraneiras. Pronto, da base da ruína xurdirá un novo talo, unhas novas flores para repetir a rutina asombrosa da vida.

2007-06-03T20:08:00.000+02:00

Xuntas pola marea, rodeadas dun abrazo de algas e areas, ata que a próxima onda as afaste a outro destiño

Tres son multitude

2007-04-29T18:36:00.000+02:00

A primavera avanza a toda velocidade.
As flores espallan o pole abrindose ao vento ou aos insectos, que tamén van ao seu...

Cita ritual

2007-02-20T23:25:00.001+01:00

Domingo de Antroido en Vilariño de Conso, Ourense, 2007

Boteiro participante no Folión, encontro de veciños das parroquias
do contorno ao ritmo de timbais e bombos batidos sen descanso, co contrapunto metálico de aperos de labranza percutidos con pequenos martelos. Un encontro admirable.

2007-02-11T23:55:00.000+01:00

Mar brava na Frouxeira, Valdoviño.
A auga esmeraldina abate as areas da praia e abraza cun salseiro milenario as rachas do vento tolo

2007-01-21T22:28:00.000+01:00

Val glaciario nas montañas de Ancares dende o pico de Tres Bispos.
A foto é unha diapositiva Kodachrome 64 tirada cunha reflex Asahi Pentax, para quen estes nomes lles diga algo nesta época dixital.

Relevos

2007-01-20T21:41:00.000+01:00

De superficie alterada, de cambios da textura, de creación de baleiros na pedra verdosa da lanzada Punta Frouxeira, Valdoviño.

Unha pedra no camiño

2006-11-19T15:28:00.000+01:00

Froitos de tempada, mazás, castañas, e píntigas esmagadas en cada estrada e pista do país

Parada no camiño

2006-11-11T20:50:00.000+01:00

Foto: Pedro Rodríguez Piñón
O camiño é longo e a tentación de sacar guitarra e zapatos para refrescar, grande.

Rosas en el mar II

2006-11-11T19:56:00.000+01:00

Unha ofrenda? acompañando as cinzas de alguén namorado, namorada da praia?
As ondas as traían e as levaban, tan so elixín o ángulo e o momento

Rosas en el mar I

2006-11-11T19:50:00.000+01:00

Un paseo nunha tarde de novembro, praia de Santa Comba, marea baixa, algo me chama a atención na beiramar, un par de rosas que van e veñen lentamente coa ondaxe

2006-05-30T21:58:00.000+02:00

Rosas silvestres nos montes de San Xurxo, Ferrol, un 30 de maio de 2006

Visitando as Fragas do Eume

2005-11-14T20:19:00.000+01:00

Unha visita de alumnos do IES SOFÍA CASANOVA de Ferrol ás Fragas do Eume

Porto Exterior dende a costa de Dexo (Oleiros)

2005-10-25T21:14:00.000+02:00

Vista do Porto Exterior de Ferrol dende a Aula do Mar do Faro de Santa Cruz en Oleiros

Mina da Toca

2005-10-19T00:00:00.000+02:00

Ante a mina da Toca, lendo cómo se traballaba hai 2000 anos

Unha meditación ante A Toca

2005-10-18T23:54:00.000+02:00

Soldados, 2000 anos vos contemplan, ou algo así diríase parafraseando a Napoleón en Exipto.

E a mina de A Toca no Courel da que pensar nos centos (milleiros?) de traballadores que arrincaron dos seus laxes o ouro preciado.

2005-04-22T23:49:00.001+02:00

Manifestación de apoio ao Raibow Warrior, Ferrol 1980. Nos tempos en que poucas cousas estaban permitidas, unha balea de tea rechea de globos feita pola Sociedade Galega de Historia Natural servíu para manifestarse pola liberación do barco de Greenpeace, apreixado en Ferrol.

VerOirTocar...

2005-04-22T23:36:00.000+02:00

Ver, oir, tocar é un recuncho onde ir recollendo as cousas que nos rodean que semellan pouco importantes pero que, para moitas persoas, enchen de beleza e sentido a vida.

Neste recanto atoparanse puntos de vista subxectivos: visuais, sonoros e relacionados coa interpretación musical que fago.

A vista apórtame