Preñez na Praia de Esmelle

Preñez na Praia de Esmelle, originalmente cargada por xanesmelle.

A praia é lugar de paso para moitos seres, incluso portadores de outros seres

 Medio día en Arousa, un grupo de Larus canus repousa nunha batea de mexillón. As cabezas xa amosan o cambio de plumaxe e unha anela verde con cifras brancas, 295, falan de que este exemplar pasou polas mans dun ornitólogo. 

Golfiños

Golfiños, originalmente cargada por xanesmelle.

Un golfiño sulca augas tranquilas ao oeste das Illas Sisargas
··
A dolphin covered by a silky water west to the Sisargas Islands (Galicia, Spain)

Un falcón do norte

Falco peregrinus calidus, falcón peregrino boreal que dende o norte de Eurasia migra ata a Península Ibérca. A súa presenza en Galicia non é ben coñecida, probablemente porque se confunde coa subespecie local, pese ao seu maior tamaño e o gusto por posarse no chan, en contra da preferencia dos falcóns galegos polos riscos e penedos.

O exemplar da foto douse un prolongado baño no río de Esmelle que desemboca na praia dese nome tras do que levantou o voo cara ao mar espantando a un bando de láridos grandes, outro elemento diferencial, xa que as gaivotas patiamarelas, fuscus e gavións permanecen indiferentes aos peregrinos locais.

O reposo das invernantes

Bando de gaivotas cabecinegras (Larus melanocephalus) pousadas nunha batea da Ría de Arousa (Galicia)

Inmigrantes

Inmigrantes, originalmente cargada por xanesmelle.

Dous Calidris alpina descansando na praia de Esmelle
···
A couple of Calidris alpina resting in Esmelle Beach (Ferrol, Galicia, Spain)

Unha gaivota que semella pomba da paz. En invernada (como nesta foto) case non ten branco que amosar, outra cousa e a testa negra que lle da o nome de Larus melanocephalus, gaivota de cabeza negra.

Un enlace con máis fotos

Entre nubes

Solpor en San Xoán

Solsticio de verán, límite, esquina dende a luz á escuridade.
O pai sol quíxose ir entre nubes, sen tocar as augas como decote,

Casa de Vilar

Unha casa en Vilar, Courel. A pedra arricada ao monte viste ás xentes da casa da intemperie, apoiandose na madeira de castiñeiro do souto viciño

Inverno, os restos dos cardos gardan a vida na súa morte aparente, rodeados do verdor das plantas tempraneiras. Pronto, da base da ruína xurdirá un novo talo, unhas novas flores para repetir a rutina asombrosa da vida.

Xuntas pola marea, rodeadas dun abrazo de algas e areas, ata que a próxima onda as afaste a outro destiño

Tres son multitude

A primavera avanza a toda velocidade.
As flores espallan o pole abrindose ao vento ou aos insectos, que tamén van ao seu...

Cita ritual

Domingo de Antroido en Vilariño de Conso, Ourense, 2007

Boteiro participante no Folión, encontro de veciños das parroquias
do contorno ao ritmo de timbais e bombos batidos sen descanso, co contrapunto metálico de aperos de labranza percutidos con pequenos martelos. Un encontro admirable.

Mar brava na Frouxeira, Valdoviño.
A auga esmeraldina abate as areas da praia e abraza cun salseiro milenario as rachas do vento tolo

Val glaciario nas montañas de Ancares dende o pico de Tres Bispos.
A foto é unha diapositiva Kodachrome 64 tirada cunha reflex Asahi Pentax, para quen estes nomes lles diga algo nesta época dixital.

Relevos

De superficie alterada, de cambios da textura, de creación de baleiros na pedra verdosa da lanzada Punta Frouxeira, Valdoviño.

Unha pedra no camiño

Froitos de tempada, mazás, castañas, e píntigas esmagadas en cada estrada e pista do país

Parada no camiño

Foto: Pedro Rodríguez Piñón
O camiño é longo e a tentación de sacar guitarra e zapatos para refrescar, grande.

Rosas en el mar II

Unha ofrenda? acompañando as cinzas de alguén namorado, namorada da praia?
As ondas as traían e as levaban, tan so elixín o ángulo e o momento