Fulica atra

Fulica atra, originalmente cargada por xanesmelle.

Decembro de 1973. Un bando de galiñola negra común nada tranquilamente na lagoa. Ao fondo vense evidencias da construcción da malfadada pista recuperada no Programa Life.

Arelo: Espiñazo, sobre todo referido aos animais. Que levou ao propietario da gamela a elixir este nome?.

RAM

Red de observación de aves mariñas. Unha rede de observadores voluntarios que dedican tres horas de cada primeiro sábado de mes para recontar as aves mariñas migradoras que rodean a Península Ibérica. O obxectivo: facerser unha idea dos patróns de migración das fascinantes aves que viven en e de o medio mariño.
Máis información en http://redavesmarinas.blogspot.com/

Aquí un pequeno feixe de fotos do noso lugar de observación o Cabo Prior (Ferrol, A Coruña).

Spiderman On The Rocks

A mole granítica de Cabo Prior semella un puzzle tridimensional onde as fendas separan xigantescas pezas poliédricas e axudan ao escalador auparse sobre as pedras do coído e das ondas

Soidade

Courel, originalmente cargada por xanesmelle.

Pasabamos polo lugar, baixo a súa venta, nunha caminata polas terras do Courel. De súpeto, da fiestra aberta para airear a sala, xurdíu a súa figura rexa, ergueita na súa curvatura da vida, e saudounos. Máis, louvou a oportunidade de falar con alguén, de falarnos, de contarnos quen a atendía, que facía, como pasaba o día, como pasaban os días.
Adeus, descoñecida solitaria.

TEAU

Na foto TEAU, Taller de Encuadernación Artesanal de Urueña.


Tómese unha vila castelá, con casas de adobe rodeadas de murallas. Engadir un par de músicos singulares como Joaquín Díaz e Luís Delgado con sendos museos, sete libreiros libres, un taller de encadernación artesanal, varios restaurantes con viandas da meseta e nomes como Pago de Marfeliz, casas rurais, unha deputación provincial que apoia, axítese durante vinte anos e aí temos Urueña, a vallisoletana Villa del Libro.
Un fantástico lugar a unhas tres horas de Galicia, a visitar especialmente fóra das datas vacacionais, para poder falar cos veciños e pasear de vagar polas rúas circulares.
E de postre, unha ollada ao magnífico museo de instrumentos de Luís Delgado.

Sobrado dos Monxes

Sobrado dos Monxes, originalmente cargada por xanesmelle.

A lagoa, varios centos de cercetas na auga, unhas pacas de herba no prado segado e unha mañana espléndida de domingo. Que máis se pode pedir?

Día de RAM en Prior

Que se pode facer un sábado de Febreiro ás 9 da mañá? Pois irse a un cabo a ver como pasan aves mariñas migradoras. Este foi un día grande, seis observadores, seis, nunha mañá soleada de forte mar de fondo e mascatos vagarosos pasando aos nosos pés.

Garzas, 2

Garzas2, originalmente cargada por xanesmelle.

Sábado, 08:45. Censo de aves acuáticas da Ría de Ferrol. Un frío que pela grazas a un vento Nordés implacable que nin as plumas das garzas superan. De súpeto o Pai Sol inza o esceario de raiolas, enchendo todo de reflexos dourados, captados nun digiscoping improvisado.

Linterna

Linterna, originalmente cargada por xanesmelle.

O día invirte os papeis e a linterna recibe a luz do pai Sol; a noite voltaralle ao faro o protagonismo rachando as tebras coa súa lun escincilante.

Os Cabalos

Os Cabalos, originalmente cargada por xanesmelle.

Os Cabalos é o nome destes illotes do Cabo Prior, restos dun acantilado granítico en retroceso ante os golpes da mar. Acollen unhas ducias de aves mariñas por riba das augas, e un tesouro de robalos, maragotas e polbos baixo delas, paseantes dun bosque de sargazos que as ondas axitan.

Winter Survival, Doniños Decembo, 31th

Winter Survival, Doniños Decembo, 31th, originalmente cargada por xanesmelle.

O día é curto, hai que aproveitar cada minuto para alimentarse.

Winter Survival, Doniños Decembo, 31th

Winter Survival, Doniños Decembo, 31th, originalmente cargada por xanesmelle.

Como resisteu o inverno con esas alas a cachos?.
Unha raiola de sol descubreu esta Vanessa atalanta no contorno da lagoa de Doniños coas ás moi danadas.
Esta especie é unha das últimas en voar no inverno, pero este exemplar probablemente tería moitos avatares que contar.

Gardar as distancias

A pesca excesivamente próxima á costa causa danos no sustrato mariño, agota os recursos e ameaza ás aves mariñas. Neste vídeo, grabado por digiscoping cun móbil, apréciase un pesqueiro largando aparello a decenas de metros dos illotes dos Cabalos (Cabo Prior, Covas, Galicia) unha  pequena pero interesante colonia de aves mariñas.

Courel-3

Courel, originalmente cargada por xanesmelle.

Onde a vista vai, beleza ofreces.

Courel de outono
vestido de festa
esperado por nós

Courel-2

Courel, originalmente cargada por xanesmelle.

Mans dilixentes estibaron a leña para un forno de panadería.
Os labores pódense facer de mil maneiras, a vista agradece cando o resultado do cotián ten beleza.

Courel-1

Courel, originalmente cargada por xanesmelle.

Bastantes aldeas -pobos na fala courelá- están a ser restauradas, pero moitas casas teñen as portas e ventás pechadas por máns que están lonxe. Ou que quizá non están.
Courel precisa ser visitado para dar vida económica ás casas rurais, á unha terra que está a despoboarse vertixinosa e silentemente.

Piano Porto con lámpara

Piano Porto con lámpara, originalmente cargada por xanesmelle.

Unha copa de Porto na cimeira dun piano pide música con fondos aromas

Ortigal dende Céltigos

xanesmelle.

En Ortegal remata o mundo. Un mundo. Dende o cemiterio de Céltigos -nome de resoancias antergas- as cruces das tumbas érguense coma os Aguillóns que meten o cabo no mar.

Doniños, Stormy Weather

Doniños, Stormy Weather, originalmente cargada por xanesmelle.

Autopista, o mar. Os buques van facendo rutas invisibles por sendas compartidas cos arroases, as gaivotas e as nubes. Estas, hoxe, descargan lonxe a chuvia, quizá sobre outro buque.

A noite de San Xoán

NoiteSanXoán, originalmente cargada por xanesmelle.

A noite de San Xoán de 2010 en Esmelle. Un sol vagaroso afúndese
no mar apresa, para deixar a noite máxica, a noite máis curta do ano.

Lagarteiro mariñán

Un lagarteiro (Falco tinnunculus), recén abandonado o niño, mira con curiosidade ao fotógrafo: Aínda non recela moito dos humanos, un adulto non toleraría esta distancia. Baixo del, a rocha cuberta de liques e pradeira litoral recortanse contra o mar dun denso azul

Ao límite · Fisher Sea Man

Onde está o límite da sensatez? Que nos leva ao borde do abismo? Quizá o reto de superar algo que non fixeramos antes.

Terra, aire, lúa · Earth, Sky, Moon

Terra, aire, lúa · Earth, Sky, Moon, originalmente cargada por xanesmelle.

Superficie?, baleiro? masa? O ollo (a mente) permite abstraer -enganar- a realidade buscando formas que, están?

Túnel

Uns inmensos dedos de vapor peneiran as raiolas dun solpor
    de platos e timbais
       silentes.

Haematopus

Haematopus2, orixinalmente cargada por xanesmelle.

1984, Os Farallóns, un illote perdido no Cantábrico fronte á costa de San Cibrao. Unha visita con Andrés e Isabel nos descubríu un niño de Gavita (Haematopus ostralegus), con este polo escondido entre as herbas escasas das penas.
Unha anela de aluminio colocada no seu tarso o marcou para que Jorge, 2009, o atopara xa adulto, criando a outros coma el.



As mans de Isabel sosteñen o polo antes de liberalo.

Sudario de auga · Water Shroud

Sudario de auga, orixinalmente cargada por xanesmelle.

Os humanos levamos a auga dentro, os golfiños dentro e fóra, como envoltura, como sudario de seda acuosa.

Nube vertical

Nube vertical, orixinalmente cargada por xanesmelle.

Auga visible e invisible. Auga subindo das árbores, baixando en chuvia. Auga deixando ocos de ceo claro. Auga.

HeliCop

HeliCop, originalmente cargada por xanesmelle.

Un incendio forestal obriga a viaxes incesantes de helicóptero. Centos de litros de queroseno queimados para apagar un lume.

Green Ray

Hai un intre, entre a luz e as tebras, no que a maxia do día se condensa, dando ilusión de serenidade para pechar o círculo cotián.

Praia a flote

A foto é o que é, un buque pasando a 2 millas de distancia un día soleado. Pero a calima deixa ver un bando de varios centos de gaivotas usando a cuberta como praia aboiante distraendo, quizá, a navegación dun tripulante aburrido.

Camelia de serán

Camelia,  xanesmelle.

Queda un oco entre as pólas para que unha raiola alumee unha camelia de serán.

Equinocio de Primavera en Asturias

Un inverno que non se resigna a marchar, unha primavera que pula por saír. 

Ao sur de Oviedo, nas terras de Quirós, as neves aínda resisten nos cumes mentres os prados verdean

Buques de pedra, buques de ferro

Hai buques de pedra e vida asentados en coordenadas fixas, disputando un baleiro ao aire e á auga. Hai buques de ferro, navegantes condenados ao vai e ven de decisións humanas, que saen do cadro da mirada do viaxeiro atento.

Rasa

De Pena Roiba

Unha vista da rasa de Penarroiba en Covas (Ferrol, Galicia, España). Al fondo a praia de San Xurxo-Esmelle.

Where to go?

Where to go?, originalmente cargada por xanesmelle.

Arriba, abaixo, Norte, Sur?
Os mascatos e as gaivotas ascendían nunha espiral de aparente indecisión sulcando as capas de auga e nubes.

Neve nos montes

201001-RAM-4, originalmente cargada por xanesmelle.

09:30 da mañán do nove de xaneiro. Censo de RAM (paso de aves mariñas) dende o Cabo Prior. Todos os montes por riba dos 300 metros aparecen nevados tras a rasa mariña de Punta Frouxeira. Mentres, mascatos e gaivotas ascenden entre as nubes como non sabendo ben a é posible ir un día como hoxe.

Chovendo xeo

Chovendo xeo, originalmente cargada por xanesmelle.

As gaivotas renunciaron a usar un aire que lles traía o xeo.

Baixo a saraiba

 
Cargada por xanesmelle.

Día 7 de xaneiro. Festa en Ferrol, tormenta, frío, neve e un día marabilloso para visitar á lagoa da Frouxeira. E entón caeu esta saraiba implacable que retivo a aves e ornitólogo chantados baixo a saraiba.

Culleretes

Anas clypeata, orixinalmente cargada por xanesmelle.

Grupo de culleretes, que destacan polo peito branco dos adultos, rematado cunha cabeza verde.

Matices

Unha pedra en mitade da praia, rodeada de areas espalladas polas augas das ondas. As cores, dende o beis ao negro falan da variedade de minerais da zona

Surfers

2-Sta_Comba (31 of 38), originalmente cargada por xanesmelle.

Surfeando as ondas. A parella de gaivota sombría aproveita a onda para avanzar cun forte vento sur.

Tormenta

Non foi o Klaus, pero as prais notaron a súa pegada e as aves mariñas pasaron tocando as herbas do cantil.

Pasado o verán, avanzado o outono, as tardes de praia espida achegan ao cabaleiro ás augas.

Carráns de batea

Unha plataforma de madeira. Un ecosistema artificial que as aves aproveitan para desacansar a salvo.

FaroPriorLúa

FaroPriorLúa (4 of 6), originalmente cargada por xanesmelle.

Indo e vindo, coming and ending, os círculos que están aí.

Unha 'posta de lúa' sobre o faro de Cabo Prior. 5 de setembro 2009

Ring

Ring (1 of 1), originalmente cargada por xanesmelle.

Unha gaivota fotografiada na Praia de Esmelle (Ferrol)

O falcón do norte

Xa se deixara ver este Falco peregrinus calidus, pero o sábado pasado protagonizóu dende os penedos de Cabo Prior unha exhibición de caza -fallida, iso si- espectacular, cargando nin máis nin menos que contra unha Pardela cincenta, a primeira vez, e intentando capturar unha Gaivota patiamarela. Moita ousadía ou moita fame amosou nese día de mar calma e grisenta.

Mestura

Auga, río, ondas, praia, mar.

Unha senda marcada por unha rutina cíclica que lle deixa aos ollos vagarosos a oportunidade de ver o cambio do contínuo e captar o instante do que é invisible á vista.